کرینہ کپور کی سُرخ رنگ کے جوڑے میں تصویر وائرل ہو رہی ہے جس کی قیمت کے بھارتی میڈیا پر خوب چرچے ہیں۔

بھارتی میڈیا رپورٹ کے مطابق اداکارہ کرینہ کپور نے 20 اپریل کو والدہ ببیتا کپور کی سالگرہ کی تقریب میں سرخ رنگ کے مغربی طرز کے لباس میں شرکت کی جس کی قیمت کے بھارتی میڈیا پر خوب چرچے ہو رہے ہیں۔

 ببیتا کی 75ویں سالگرہ کے موقع پر نیتو کپور، کرشمہ کپور اور کرینہ سمیت معروف شوبز شخصیات نے شرکت کی۔

41 سالہ کرینہ نے والدہ کی سالگرہ کی تقریب کے لیے سرخ لباس کا انتخاب کیا، جس کی تصویر سوشل میڈیا پر وائرل ہو رہی ہے تصویر میں دیکھا جا سکتا ہے کہ کرینہ اپنے والد کے گھر کے باہر تصاویر کے لیے پوز دے رہی ہیں۔

بھارتی میڈیا کے مطابق اس جوڑے کی قیمت تقریباً 37 ہزار 727 بھارتی روپے، 495 امریکی ڈالر ہے، یعنی یہ لباس پاکستانی روپے کے حساب سے  92 ہزار سے زائد کا ہے۔

واضح رہے کہ کرینہ کا یہ جوڑا معروف ڈیزائنر جیسن وو کی ویب سائٹ پر موجود ہے اور ایسے لباس کو ‘شارٹ پلیٹیڈ ڈریس’ کہا جاتا ہے جو کہ بےحد مقبول ملبوسات میں سے ایک ہے۔