سربراہ قومی عوام تحریک ایاز لطیف پلیجو نے کہا ہے کہ اقتدار کی خاطر سندھ کو ہمیشہ داؤ پر لگایا جاتا ہے۔

میڈیا سے گفتگو کرتے ہوئے ایاز لطیف نے کہا کہ سندھ اور پاکستان کے لوگ پرامن لوگ ہیں، لیکن افسوس ہوتا ہے جب پاکستان کے اقتدار کی وجہ سے سندھ کے حقوق ڈاکہ ڈالا جاتاہے۔

 ایاز لطیف نے کہا کہ پاکستان کے اقتدار کی خاطر سندھ کو ہمیشہ داؤ پر لگایا جاتا ہے، سندھ کے لوگوں کا ہمیشہ مفادات کی خاطر سندھ کے وسائل کا سودا کیا جاتاہے۔

انہوں نے کہا کہ ہمیں کوئی فرق نہیں پڑتا کے عمران آرہا ہے یا نواز آرہا ہے کیونکہ ان لوگوں کے دور حکومتوں میں سندھ کو کچھ بھی نہیں ملا۔

ایاز لطیف نے کہا کہ ایم کیو ایم نے کراچی اور حیدرآباد کے لوگوں کے لیئے 25 سالوں سے کیا کیا ہے،   پیپلزپارٹی نے سندھی عوام کو کیا دیا ہے۔

سربراہ قومی عوام تحریک کا کہنا تھا کہ ہمیں جو وفاق سے توقعات تھے لیکن کسی پر پورے نہیں اترے، ہم ایم کیو ایم اور پیپلزپارٹی کے معاہدے کو رد کرتے ہیں۔

 ایاز لطیف نے کہا کہ سندھ دشمن معاہدہ واپس لیا جائے نہیں تو مزاحمت کرینگے، ضرورت پڑی تو سندھ کی پوری شاہراہیں بند کرسکتے ہیں۔

انہوں نے مزید کہا کہ سندھ مزاحت کریں گے اسمبلی کا گھیراؤں بھی کرسکتے ہیں۔