مایا علی کا نام پاکستانی شوبزانڈسٹری میں کسی تعرف کا محتاج نہیں وہ ایک باصلاحیت اداکارہ، عمدہ میزبان اور خوبصورت ماڈل ہیں۔ انہوں نے نہایت کم وقت میں اپنی بہترین اداکاری کی بدولت دنیا بھر میں نام کمایا۔

مایا علی نے ماس کمیونیکیشن میں ماسٹر کی ڈگری حاصل کی جبکہ وہ کئی کھیل سے بھی شغف رکھتی ہیں جن میں باسکٹ بال، کرکٹ، ہاکی، ٹینس اور بیڈ مینٹن شامل ہیں۔

مایا علی نے ڈرامہ درشہوار سے اپنی اداکاری کا آغاز کیا پھر اس کے بعد مشہور ڈراموں میں مرکزی کردار ادا کیا جن میں ایک نئی سینڈریلا، پیا من بھائے، لاڈوں میں پلی، رنجش ہی سہی، میری زندگی ہے تو، شناخت، دیاردل، ضد اور من مائل شامل ہے۔ جبکہ فلم  طیفا ان ٹربل میں بھی اپنی اداکاری کے جوہر دکھا چکی ہیں۔

مایا علی کو حال ہی میں ایک مارننگ شو میں مدعو کیا گیا جس میں انہوں نے ذاتی زندگی پر اپنی رائے کا اظہار کیا، میزبان کے ایک سوال پر آپا اپنے کس ڈرامے کا سیکوئل بنوانا چاہتی ہیں تو انہوں نے عون زارا کا نام لیا اور کہا کہ وہ چاہتی ہیں اس کا سیکوئل بنایا جائے۔