کبوتر کی وجہ سے کروسیبل تھیٹر میں جاری اسنوکر ورلڈ چیمپیئن شپ رُک گیا، ویڈیو وائرل۔

بین الاقوامی میڈیا کی رپورٹ کے مطابق برطانیہ کے شہر شیفیلڈ کے کروسیبل تھیٹر میں جاری اسنوکر ورلڈ چیمپیئن شپ  میں یان بِنگٹاؤ کے خلاف میچ میں مارک سیلبی کا دوسرا راؤنڈ ایک کبوتر کی وجہ سے تاخیر کا شکار ہوگیا۔

کبوتر نے میچ کے دوران شیفیلڈ میں کروسیبل تھیٹر میں انٹری دے کر کھلاڑیوں، آفیشلز کو حیران کر دیا۔

یان کے ساتھ پانچ فریمز کے بعد 3-2 کی برتری حاصل کرنے کے بعد ایک کبوتر  میچ کا دسرا راؤنڈ شروع ہونے سے پہلے اُڑ کر آیا اور اسنوکر ٹیبل پر بیٹھا اور ٹھوڑی دیر میں ہی گھبرا کر اُڑ گیا۔

اس کے بعد کبوتر اسٹیج کے پیچھے چلا گیا، جہاں اسے عملے کے ایک رکن نے پکڑ لیا، اس کبوتر کی وجہ سے نہ صرف میچ رُکا بلکہ تماشائی محضوض بھی ہوئے۔

We’ve seen some things at the Crucible.

This is a new one. #ilovesnooker pic.twitter.com/5w0uR3ljpa

— World Snooker Tour (@WeAreWST) April 22, 2022

سنوکر ورلڈ چیمپیئن شپ کے دوران کبوتر کی انٹری کی یہ ویڈیو سوشل میڈیاپر وائرل ہورہی ہے۔

برطانوی نشریاتی ادارے نے کبوتر کی اس طرح کروسیبل تھیٹر میں کے دوران انٹری میچ کا ناقابل یقین منظر قرار دیاہے۔

جبکہ سابق عالمی چیمپئن کین ڈوہرٹی نے اس منظر پر دلچسپ انداز میں تبصرہ کرتے ہوئے کہا کہ ’کبوتر مفت ٹکٹ کے لیے کچھ بھی کریں گے، یہ ناقابل یقین ہے‘۔