خیبرپختون خوا کے وزیر پارلیمانی امور شوکت یوسفزئی نے کہا ہے کہ  اپوزیشن عدم اعتماد لانے کا شوق پورا کرلے ان کو شکست ہوگی۔

وزیر پارلیمانی امور خیبرپختون خوا شوکت یوسفزئی نے محمود خان کے خلاف تحریک عدم اعتماد جمع کرانے پر ردعمل دیتے ہوئے کہا کہ اپوزیشن تحریک عدم اعتماد لانے کا شوق پورا کرلے ان کو شکست ہوگی۔

شوکت یوسفزئی نے کہا کہ خیبر پختونخوا عمران خان اور پی ٹی آئی کا مضبوط قلعہ ہے، اپوزیشن کو دن میں تارے نظر آ جائیں گے۔

انہوں نے کہا کہ 51 ارکان کا جھتہ 94 ارکان کی حکومت کیسے ختم کر سکتا ہے، خیبرپختونخوا میں پی ٹی آئی فولاد کی طرح مضبوط ہے، ضمیر فروشی یا ضمیر خریدنے پر بھی سپریم کورٹ سوموٹو لے۔

شوکت یوسفزئی نے کہا کہ وزیر اعلیٰ محمود خان پر ارکان اسمبلی کا مکمل اعتماد ہے، جو اپوزیشن عوام کے پاس جانے سے خوفزدہ ہے وہ ہمارے خلاف کیا کر سکے گی، قوم عمران خان کے ساتھ کھڑی ہے۔