معروف پاکستانی اداکارہ رابعہ کلثوم ریحان کو نواش شریف اور بلاول بھٹو زرداری کی ملاقات ایک آنکھ نہ بھائی اور انہوں نے اس پر انتہائی افسوس کا اظہار کیا ہے۔

رابعہ کلثوم نے پاکستان پیپلز پارٹی کے چئیرمین بلاول بھٹو زرداری کو ماضی یاد دلاتے ہوئے مسلم لیگ (ن) کے قائد نواز شریف سے ملاقات پر کھری کھوٹی سنا دی ہے۔

اداکارہ نے لندن میں ملاقات کے بعد منظر عام پر آنے والی تصاویر ٹوئٹر پر شیئر کی جس میں بلاول ، نواز شریف کا جھک کر استقبال کر رہے ہیں۔

رابعہ نے تصویر کے ساتھ لکھا، کوئی کیسے ایسے شخص سے بات کرسکتا ہے جس نے اس کی ماں کی کردار کشی کی ہو۔ واہ رے کرسی، واہ رے سیاست۔

Advertisement

– koi kese aise shakhs se baat bhi kar sakta hai jisne us ki maa ki kirdaar kushi ki ho !!
Wah re Kursi! Wah re Syasat!! https://www.bolnews.com/urdu/latest/2022/04/551583/amp/

— Rabya Kulsoom Rehan (@Kulchiii) April 22, 2022

خیال رہے کہ رابعہ پاکستان تحریک انصاف (پی ٹی آئی) اور عمران خان کی بھرپور حامی ہیں اور ان کا ٹوئٹر ہینڈل ان کی حمایت پر مشتمل پوسٹس سے بھرا پڑا ہے۔

قبل ازیں، اداکارہ نے مسلم لیگ (ن) کی نائب صدر مریم نواز شریف پر طنز کرتے ہوئے انہیں ’اے سی روم سے باہر نکلنے‘ اور ’اصل مسائل پر توجہ دینے‘ کا مشورہ دیا تھا۔

مریم نواز نے گزشتہ ہفتے کے آخر میں ہونے والے پی ٹی آئی کے کراچی جلسے کی وائرل ہونے والی تصاویر کے حوالے سے سابق وزیراعظم اور چیئرمین پی ٹی آئی عمران خان کو تنقید کا نشانہ بنایا۔

خان کی حمایت کرتے ہوئے، ’بھڑاس‘ کی اداکارہ نے خاتون سیاست دان پر خوب تنقید کی۔

رابعہ نے مریم نواز کے شیئر کردہ ٹویٹ کا جواب دیا اور ان سے کہا کہ وہ ملک کے آنے والے چیلنجوں کی طرف توجہ مرکوز کریں۔

رابعہ کی جوابی ٹویٹ میں لکھا، “آپ چِل کیوں نہیں کرتیں؟” اب آپ حکومت میں ہیں اور اس میں بھی چیلنجز ہیں، آپ وہاں فوکس کریں پلیز.. اتنا ڈر کس بات کا ہے؟”

مندرجہ ذیل ٹوئٹ میں شوبز کی مشہور شخصیت نے مریم نواز کا مذاق اڑاتے ہوئے لکھا کہ ’وہ جنون میں مبتلا ہیں، انہیں اپنے اے سی روم سے باہر نکل کر ٹوئٹر پر مصروف رہنے کے بجائے کام شروع کرنے کی ضرورت ہے‘۔

رابعہ نے مریم کو مشورہ دیا کہ ‘ٹوئٹر پر ٹرینڈز کے بارے میں ٹویٹ کرنا بند کریں اور اصل مسائل پر توجہ دیں۔’

Advertisement

– What's funny is that majority of N League's members specially @MaryamNSharif are OBSESSED with IK. Someone tell them to please focus on government and the upcoming challenges. Stop tweeting abt the trends on Twitter and focus on real issues.. 🤷🏼‍♀️
It would be great if u 1/2

— Rabya Kulsoom Rehan (@Kulchiii) April 18, 2022