ادارہ شماریات کی جانب سے جاری کردہ رپورٹ کے مطابق گزشتہ مالی سال کی نسبت رواں مالی سال کے دوران تجارتی خسارے میں 70 فیصد اضافہ ریکارڈ ہوا ہے۔

تفصیلات کے مطابق رواں مالی سال جولائی سے مارچ  تک تجارتی خسارہ 35 ارب 93 کروڑ ڈالر تک پہنچ گیا جبکہ  مارچ کے دوران تجارتی خسارے میں 3 ارب 44 کروڑ ڈالر کا اضافہ ہوا ہے۔

ادارہ شماریات کے مطابق مارچ کے دوران برآمدات 2 ارب 70 کروڑ ڈالر کی رہیں ،اس عرصے میں درآمدات کا حجم 6 ارب 18 کروڑ ڈالر رہا۔

رپورٹ کے مطابق گزشتہ مالی سال مارچ کے مقابلے میں رواں مالی سال مارچ میں تجارتی خسارے میں 5.48 فیصد کا اضافہ ہوا ہے جبکہ فروری کے مقابلے میں مارچ 2022 میں برآمدات میں 2.84 فیصد کی کمی ہوئی ہے۔