لیسکو نے شیخوپورہ سرکل میں بجلی چوروں کے خلاف آپریشن کیے جس کے نتیجے میں متعدد بجلی چور پکڑے گئے۔

تفصیلات کے مطابق لاہور الیکٹرک سپلائی کمپنی(لیسکو) کے چیف ایگزیکٹوچوہدری محمد امین کی خصوصی ہدایات پر ایس ای شیخوپورہ سرکل کی زیر نگرانی بجلی چوروں کیخلاف سرچ آپریشن کئے جا رہے ہیں۔

ایس ای شیخوپورہ کے مطابق فیلڈ اسٹاف نے سرکل کے زیرِ انتظام علاقوں میں سرچ آپریشن کیاجس دوران کل484کنکشنز چیک کئے گئے۔

دوران چیکنگ54 کنکشنز میں مختلف نوعیت کی بے ضابطگیاں سامنے آئیں۔

ایس ای شیخوپورہ کے مطابق پکڑے جانے والے کنکشنز میں 19میٹر ڈائریکٹ سپلائی،15ڈسپلے واش،03ڈسپلے اوپن،09میٹر ریورس جبکہ08مختلف نوعیت کے کیسز تھے۔

تمام بے ضابطہ کنکشن منقطع کرکے49،940یونٹس ڈٹیکشن بل کی مد میں چارج کئے گئے ہیں۔

پکڑے جانے والے54 بجلی چوروں کے خلاف ایف آئی آر کے اندراج کے لئے درخواستیں متعلقہ تھانوں میں جمع کروا دی گئی ہیں۔

چیف ایگزیکٹو چوہدری محمد امین کی ہدایت پر لیسکو میں بجلی چوری کے مکمل خاتمے کے لئے ٹاسک فورس اور لیسکو آپریشن اور سرویلنس کی ٹیموں کی جانب سے بجلی چوروں کے خلاف مہم جاری ہے۔

اس کے ساتھ ساتھ ڈیڈ ڈیفالٹرز سے واجب الادا رقومات کی وصولی کا سلسلہ بھی جاری ہے۔