صوبائی وزیر تیمور سلیم جھگڑا کا کہنا ہے کہ ہم نے پارٹی سے بالاتر ہوکر سوچنا ہوگا کہ سیاست کو منڈی نہیں بنائے گے۔

وزیر صحت و خزانہ تیمور سلیم جھگڑا نے شاور میں وکلاء برادری سے خطاب کرتے ہوئے کہا کہ وکالت ایک نوبل پروفیشن ہے، ہائیکورٹ میں ہر جماعت کے وکلاء موجود ہوتے ہیں۔

انہوں نے کہا کہ پی ٹی آئی کے وزیر نہیں پاکستان کے ایک شہری کے طور پر کہتا ہوں کہ جو کچھ ہو رہا ہے کیا ایسا ہونا چاہیے، آج عمران خان زندہ باد کہتا ہوں اور کل کو کہوں کہ میں نے مائنڈ بدل دیا ہے۔

تیمور جھگڑا نے کہا کہ 27 مارچ کو پی ٹی آئی کے لئے نہیں بلکہ سیاست کو تبدیل کرنے کے لئے نکلے تھے، ہم نے پارٹی سے بالاتر ہوکر سوچنا ہوگا کہ سیاست کو منڈی نہیں بنائے گے۔

صوبائی وزیر نے مزید کہا کہ لوکل گرنمنٹ الیکشن دوسرے مرحلے میں عوام نے پی ٹی آئی کو بھاری اکثریت سے کامیاب کیا، ہائیکورٹ کے بنیادی مرکز صحت کو ماڈل بی ایچ یو میں شامل کردیا ہے۔

اس سے قبل خیبرپختونخوا کے وزیر برائے اعلیٰ تعلیم کامران بنگش نے صوبے میں سات لاء کالجز بنانے کا اعلان کردیا ہے۔

صوبائی وزیر اطلاعات خیبرپختونخوا کامران بنگش نے بھی پشاور میں وکلاء برادری سے خطاب کرتے ہوئے کہا تھا کہ پشاور بار ایسوسی ایشن میں انصاف لائیز فورم اور ان کے اتحادیوں کو کامیابی پر مبارکباد پیش کرتا ہوں۔

انہوں نے کہا کہ بلدیاتی انتخابات کے دوسرے مرحلے میں عوام نے اپوزیشن کا کایہ پلٹ دیا، ہمارے کارکنوں نے بلدیاتی انتخابات میں بڑے بڑے بُرج اُلٹا دیئے۔

صوبائی وزیر نے کہا کہ 27 مارچ کو عوام کے سمندر نے اسلام آباد کا رُخ کرکے عمران خان سے اپنی وفاداری ثابت کردی ہے، کل اور 27 مارچ کو عوام نے عمران خان پر اعتماد کا اظہار کردیا ہے۔

کامران بنگش نے مزید کہا کہ اس الیکشن نے واضح کردیا کہ جنرل الیکشن بھی پی ٹی آئی کے نام ہوگا، اگلے الیکشن میں ہم کے پی میں کلین سویپ کریں گے، آج سے پورے خیبرپختونخوا میں جشن کا آغاز ہوگا۔