پاکستان کی معروف گلوکارہ حدیقہ کیانی کا کہنا ہے کہ ان کا بلال کے ساتھ گہرا تعلق بن گیا ہے کیونکہ وہ فن کی بنیاد کو سمجھنے والے حقیقی فنکار ہیں۔

حدیقہ نے انسٹاگرام پر بلال عباس کے ساتھ اپنی چند تصاویر شیئر کرتے ہوئے لکھا کہ بہت سی مصروفیات کے باوجود، وہ بلال کے ساتھ کام کرنے کے اپنے تجربے کو شیئر کرنے کے لیے تھوڑا سا وقت نکالنا چاہتی تھیں۔

ڈرامہ سیریل “دوبارہ” کی اداکارہ نے لکھا کہ بہت کم لوگ ہیں جن سےآپ کی روح کا گہرا تعلق وابستہ ہوتا ہے اور بلال ایک پاکیزہ روح ہے۔

حدیقہ نے بلال عباس کی تعریف کرتے ہوئے لکھا کہ وہ ایک ایماندار، شریف انسان اور ایک سچے فنکار ہیں جو اپنے فن کی بنیادی بات کو سمجھتے ہیں۔

گلوکارہ نے اپنی پوسٹ کے کیپشن میں مزید لکھا کہ بلال کے ساتھ کام کرنے پر واقعی فخر محسوس کرتی ہوں اور بلال کی مسلسل کامیابی کی منتظر ہوں۔

حدیقہ کی اس اپنایت بھری پوسٹ نے سوشل میڈیا صارفین کو بحث کے لیے ایک نیا مدعا دیدیا ہے، چہ مگوئیاں شروع ہوگئی ہیں کہ شاید حدیقہ اور بلال عباس شادی کرنے والے ہیں۔

اب ان باتوں میں کتنی حقیقت ہے، اس بات کا جواب تو دونوں میں سے کسی ایک کے بیان کے بعد ہی ملے گا۔

حدیقہ کیانی اور اداکار بلال عباس نے مشہور ڈرامہ سیریز ’دوبارہ‘ میں ایک ساتھ کام کیا ہے۔