عالیہ بھٹ کی ساس نیتو کپور نے نئی بہو کی تعریفوں کے پُل باندھ دیئے۔

سوشل میڈیا پر ایک ویڈیو وائرل ہو رہی ہے جس میں دیکھا جا سکتا ہے کہ رشی کپور کی اہلیہ رنبیر کی ماں اور عالیہ بھٹ کی ساس یعنی نیتو کپور عالیہ کے بارے میں بات کر رہی ہیں۔

ویڈیو میں دیکھا جا سکتا ہے کہ رنبیر کپور ہاؤس میں داخل ہوتی نیتو کپور کو میڈیا کی جانب سے گھیر لیا گیا اور پوچھا گیا کہ ہونے والی بہو عالیہ سے متعلق کچھ بول دیں۔

اس پر نیتو کپور کا کہنا تھا کہ ’اب میں کیا بولوں، عالیہ بھٹ اتنی اچھی اتنی کیوٹ ہے، وہ بہت خوبصورت ہے، عالیہ بھٹ بالکل گڑیا جیسی ہے۔‘

نیتو کپور کا عالیہ بھٹ اور رنبیر کپور کو دعا دیتے ہوئے کہنا تھا کہ ’ خدا دونوں کو ہمیشہ خوش رکھے اور قسمت اچھی کرے۔‘

آج رنبیر اور عالیہ کی شادی ہوئی ہے جس کے بعد سے سخت سیکیورٹی ہونے کے باوجود بھی رنبیر اور عالیہ کی شادی کی تصاویر اور خبریں سوشل میڈیا پر گردش کر رہی ہیں۔

نیتو کی مزکورہ ویڈیو بھی سوشل میڈیا پر خوب وائرل ہو رہی ہے یاد رہے کہ یہ ویڈیوگزشتہ روز رنبیر اور عالیہ کی مہندی کی ہے۔