قومی سلامتی کمیٹی کے فیصلے کی روشنی میں اامریکی ناظم الامور کو دفتر خارجہ کو طلب کرتے ہوئے احتجاجی مراسلہ دیا گیا ہے۔

اس حوالے سے ترجمان دفتر خارجہ کا کہنا ہے کہ احتجاجی مراسلہ سفارتی چینلز کے زریعہ دیا گیا ہے۔

خیال رہے کہ قومی سلامتی کمیٹی کا اجلاس گزشتہ روز وزیراعظم عمران خان کی صدارت میں ہوا تھا۔

اجلاس میں اس رابطے پرگہری تشویش ظاہر کی گئی اورغیرملکی عہدیدار کی جانب سے استعمال کی گئی زبان کو غیرسفارتی قراردیاگیا۔

کمیٹی نے فیصلہ کیاکہ پاکستان سفارتی اقدار مدنظر رکھتے ہوئے مناسب طریقہ کار کے تحت متعلقہ ملک سے اس حوالے سے جواب طلب کرے گا۔

اس سے پہلے قومی سلامتی کے مشیر نے کمیٹی کو ایک غیرملکی ملک میں پاکستان کے سفیر کو ایک باضابطہ ملاقات میں دئیے گئے باضابطہ مراسلے کے بارے میں بتایا جسے سفیر نے امور خارجہ کی وزارت کو فوری طورپر پہنچا دیا۔

شرکاء نے بھی پارلیمنٹ کی قومی سلامتی کمیٹی کی ان کیمرہ بریفنگ کے ذریعے پارلیمنٹ کو اعتماد میں لینے کیلئے گزشتہ روز وزیراعظم کی سربراہی میں کابینہ کے خصوصی اجلاس میں کئے گئے فیصلے کی توثیق کی۔