یہ دنیا کا سب سے مختصر پین ہے جو لیونارڈو ڈاونسی کی ٹیکنالوجی پر بنایا گیا ہے۔ اس میں روشنائی نہیں اور یہ کبھی لکھنا نہیں چھوڑتا۔

اسے ہمیشہ کا قلم یعنی فور ایور پین کا نام دیا گیا ہے۔ اس کی تشہییر کراؤڈ فنڈنگ ویب سائٹ پر جاری ہے اور جلد ہی پیداوار بھی شروع ہوجائے گی۔ یہ اتنا چھوٹا ہے کہ اسے آسانی سے کی چین میں اٹکایا جاسکتا ہے اور زپر کے ساتھ بھی لگایا جاسکتا ہے۔

اس کا اصول بہت سادہ ہے وہ یہ ہے کہ اگر چاندی کو باریک نوک میں ڈھالا جائے تو اس کا لکھا ایک ہلکا نشان چھوڑتا ہے۔ اب چاندی میں بعض مرکبات ملا کر اسے گہرا کیا گیا ہے۔ یوں یہ دیوار، کاغذ ، پلاسٹک اور دیگر جگہوں پر آسانی سےلکھ سکتا ہے۔

اس کی پشت پر تین اقسام کی دھاتیں لگی ہیں جن میں سے آپ کسی ایک کا انتخاب کرسکتے ہیں۔ یعنی چاہتے تو تانبے سے بنا قلم لے سکتے ہیں یا پھر پیتل منتخب کرسکتے ہیں یا پھر ٹائٹانیئم میں سے کسی ایک کا انتخاب کرسکتے ہیں۔ اس طرح ہم اسے ٹھوس انک والا پین کہہ سکتے ہیں۔

اس کی نب چاندی میں کپموزٹ دھاتیں ملا کر بنائی گئی ہیں جو کسی بھی جگہ پر رگڑنے سے تحریر یا اس کا عکس چھوڑ دیتی ہے۔

فورایور قلم کی تعارفی قیمت 25 پاونڈ یا 5 ہزار روپے سے کچھ زائد ہے۔