عدنان صدیقی کا نام پاکستانی فلم اورڈرامہ انڈسٹری میں کسی تعرف کا محتاج نہیں ہے۔ وہ ایک خوبصورت ماڈل باصلاحیت اداکار اور عمدہ میزبان ہیں، جو صرف وطن عزیز ہی میں نہیں بلکہ دنیا بھر میں اپنی عمدی اداکاری کی بنا پر نام کما چکے ہیں عدنان صدیقی کا شمار ان اداکروں میں ہوتا ہے جنہوں نے ہالی ووڈ میں بھی کام کیا۔

عدنان صدیقی ایک باوقار شخصیت کے مالک جبکہ نہایت دھیمے لہجے میں گفتگوکرتے ہیں۔ ڈرامہ سیریل عروسہ سے اپنے فنی کیریئر کا آغاز کرنے والے عدنان صدیقی اب تک کئی مشہور ڈراموں میں جلوہ گر ہوچکے ہیں، جبکہ متعدد ڈراموں میں بہترین اداکاری کی بناپر کئی ایوارڈ بھی اپنے نام کر چکے ہیں۔

عدنان صدیقی اپنے سوشل میڈیا اکاؤنٹ پر بہت کم متحرک رہتے ہیں لیکن اگر ان کے فین کہیں مل جائے تو وہ اس کی ویڈیوبناکر ضرور شیئر کرتے ہیں۔

ایسی ایک ویڈیو انہوں نے اپنے انسٹاگرام پر شیئر کی ہے جس میں ایک بچہ جو مختلف اشیا کو فروخت کرتے ہوئے سڑک پر ان کے مشہور ترین ڈرامے میرے پاس تم ہو کا گانا گنگنارہا ہے اور عدنان صدیقی اس کی ویڈیو بناتے ہوئے اس کا ساتھ بھی دے رہیں اور اس کے بعد انہوں نے اس بچے کو دعا بھی دی اور کہا کہ جیتے رہو۔

 واضح رہے کہ میرے پاس تم ہوڈرامہ پاکستانی ڈرامہ انڈسٹری کا ایک سنگ میل ثابت ہواہے جسے تین سال گزرنے کے باوجود آج بھی اتنی مقبولت اور پزیرائی حاصل ہے جیسا کہ پہلے تھی۔