پاکستان شوبز کے مشہور اداکار منیب بٹ نے واضح کیا ہے کہ انہیں نئی حکومت کی کونسی واحد بات پسند آئی ہے۔

پاکستان شوبز انڈسٹری کے نامور اداکار اور اداکارہ ایمن خان کے شوہر منیب بٹ کی نئی پوسٹ نے مداحوں کو حیرت زدہ کر دیا ہے۔

پاکستان تحریک انصاف کی حکومت ختم ہونے کے بعد سے عمران خان کی حمایت میں پیش پیش اور اپنی پسندیدہ جماعت کی مخالفت کرنے والوں کو سوشل میڈیا پر آڑے ہاتھوں لینے والے اداکار منیب بٹ نے وزارت خارجہ کا منصب سنبھالنے والے بلاول بھٹوزرداری کے لیے پسندیدگی کا اظہار کیا ہے۔

  منیب بٹ اپنی ٹوئٹ میں کہا کہ وہ کابینہ میں بلاول کی شمولیت سے مطمئن ہیں۔

منیب نے کہا کہ بلاول کو عالمی سطح پر بات چیت کے دوران کاغذ کے ٹکڑے پر لکھی ہوئی تقریر کی ضرورت نہیں پڑے گی۔

اداکارنے لکھا ، ‘ کم سے کم بین الاقوامی میڈیا کے سامنے ہمارے پاس ‘پرچی ریڈر’ نہیں ہوگا۔

یاد رہے کہ حال ہی میں منیب بٹ نے اداکارہ مشی خان سے متعلق بیان پر عمران خان کی سابقہ اہلیہ ریحام خان کو کڑی تنقید کا نشانہ بنایا تھا۔

منیب نے طنزیہ اندازمیں لکھا تھا کہ وہ ‘ناگن’ کے نام سے ایک ڈرامہ سیریل پروڈیوس کرنے کی منصوبہ بندی کررہے ہیں جس میں ریحام خان کومرکزی کردار میں کاسٹ کرنا چاہتے ہیں۔

اداکار اس سے قبل بھی ریحام خان کی ایک ٹویٹ پرسخت ردعمل ظاہر کر چکے ہیں۔

The way you got “heavy investments” for Janaan !

Advertisement

Apney set ka furniture tak apney IK ka name use karkey logun se free me liya tha so don’t school us and stop being a graceless Ex ! https://www.bolnews.com/urdu/latest/2022/04/708843/amp/

— Muneeb Butt (@muneeb_butt9) March 28, 2022

واضح رہے کہ ریحام خان نے سابق وزیراعظم کی حمایت میں آواز اٹھانے والی شوبز سیلیبرٹیز کے لیے لکھا تھا، ‘یہ دیکھنا افسوسناک ہے کہ آن اسکرین ٹیلنٹ کی وجہ سے جن اداکاروں کی ہم عزت کرتے ہیں وہ بےشرمی کے ساتھ فاشسٹ اقتدارکی آوازبنے ہوئے ہیں جوکہ بس روانہ ہونے والی ہے’۔

جس کا جواب دیتے ہوئے منیب نے ریحام کو یاد دلایا تھاکہ انہوں نے اپنی فلم جانان کیلئے سیٹ کا فرنیچرتک عمران خان کا نام استعمال کرکے لوگوں سے مفت میں لیا تھا اس لیے ہمیں سکھانا بند کریں۔