ٹیچر نے حاضر دماغی کا مظاہرہ کرتے ہوئے بچے کے گلے میں پھنسے ڈھکن کو نکال دیا، ویڈیو وائرل۔

سوشل میڈیا پر اکثر کئی حیرت انگیز ویڈیوز وائرل ہوتی رہتی ہیں تاہم آج کل سوشل میڈیا پر ایک ایسی ویڈیو وائرل ہو رہی ہے جس کو دیکھ کر دیکھنے والوں کے بھی دل دہل گئے ہیں۔

ویڈیو میں دیکھا جا سکتا ہے کہ 9 سالہ طالب علم کلاس میں تھا جب اس نے اپنے منہ سے پانی کی بوتل کھولنے کی کوشش کی تو بوتل کا ڈھکن کُھل کر اُس کے گلے میں جا پھنسا۔

تکلیف سے دو چار طالب علم اپنی جگہ سے اُٹھا اور چیختا چِلاتا ٹیچر کے پاس پہنچا اور اُنہیں بتایا کہ اُس کے گلے میں بوتل کا ڈھکن پھنس گیا ہے۔

تاہم ٹیچر نے بہادری کا مظاہرہ کرتے ہوئے بچے کو گود میں لے کر اس کی کمر پر خوب زور سے ہاتھ مارے اور اس کا پیٹ دبا کر اس کے گلے میں پھنسے ڈھکن کو نکال کر اس کی جان بچائی اور پھر اُس کے آنسو بھی صاف کیے۔

ٹیچر کی بہادری کو سوشل میڈیا پر صارفین خوب سراہ رہے ہیں اور ان کی حاضر دماغی کو داد دے رہے ہیں۔