پاکستان تحریک انصاف کے رہنما اسد عمر نے قومی اسمبلی میں اظہار خیال کرتے ہوئے کہا ہہے کہ وہ آصٖ زرداری کو مبارکباد دیتے ہیں کہ انہیں سڑکوں پر گھسیٹںے کا کہنے والے آج ان کےگھٹنوں کو ہاتھ لگا رہے ہیں۔

 قومی اسمبلی میں اپنے خیالات کا اظہار کرتے ہوئے وفاقی وزیر برائے منصوبہ بندی اسد عمر نے کہا ہے کہ پچھلے 20 سال سے ایک دوسرے کو چور ڈاکو قرار دیتے رہے آج اکٹھے ہوگئے ہیں۔

 انہوں نے کہا کہ 7 مارچ کو ہمیں دھمکی آمیز خط ملا تھا اور 8 مارچ کو اپوزیشن نے اپنی کامیابی کا سفر بھی شروع کردیا تھا۔

اسد عمر نے کہا کہ اپوزیشن بتائے کہ یہ کونسی جمہوریت ہے جس کا نمونہ آج ہمیں مل رہا ہے کہ پہلے مریکہ میں بات کی گئی اور بعد میں پاکستان میں عدم اعتماد شروع کی گئی۔

ان کا کہنا تھا کہ بہت عرصے سے عمران خان کی حکومت گرا نے کی پلاننگ کی جارہی تھی تو ضمیر فروشی کا دروازہ بند کرنے کیلئے بھی تو اپوزیشن آگے بڑھے۔

ان کا کہنا تھا کہ اگرعدم اعتماد کامیاب ہوگی تو بھان متی کا کنبہ حکومت بنائے گا۔

 انہوں نے کہا کہ سینیٹ الیکشن لوٹا گیا جو کہ سب سے سامنے ہے کہ یوسف رضاگیلانی کے لئے ووٹ خریدے گئے تھے اور اس کا آڈیو ریکاڑد بھی موجود ہے۔