بھارت میں جاری انڈین پریمئیر لیگ میں فرنچائز کا دو کروڑ بھارتی روپوں کا کھلاڑی ایک میچ کھیل کر ایونٹ سے باہر ہو گیا۔

بھارتی میڈیا کے مطابق سابق چمپئن راجھستان رائلز کو بدھ کے روز بڑا جھٹکا لگا، جب ان کی ٹیم کے  فاسٹ بالر ناتھن کولٹر نائل آئی پی ایل کے باقی سیزن سے باہر ہو گئے ہیں۔

 آسٹریلیا سے تعلق رکھنے والے کولٹر نے آئی پی ایل کے اس سیزن میں صرف ایک میچ کھیلا۔

کولٹر نے راجھستان رائلز کی جانب سے آئی پی ایل کے سیزن میں ابتدائی میچ میں سن رائزرز حیدرآباد کے خلاف میدان میں اترے تھے، اسی دوران انہیں چوٹ لگی اور وہ میدان سے باہر چلے گئے تھے۔

راجھستان رائلز ٹیم نے اپنے آفیشیل ٹوئٹر ہینڈل پر فاسٹ بالر کولٹر نائل کے سیزن سے باہر ہونے کا ٹوئٹ کیا۔

Until we meet again, NCN. 💗

Speedy recovery. 🤗#RoyalsFamily | #HallaBol | @coulta13 pic.twitter.com/XlcFUcTg5L

— Rajasthan Royals (@rajasthanroyals) April 6, 2022

آسٹریلیا کے 34 سالہ گیند باز ناتھن کولٹر نائل کو راجستھان رائلس نے میگا آکشن میں دو کروڑ بھارتی روپے کی ’بنیادی قیمت‘ میں خریدا تھا۔

وہ اس سیزن میں صرف ایک میچ کھیل پائے اور چوٹ کے سبب انہیں باہر ہونا پڑا ہے۔ فرنچائز نے ابھی تک کولٹر نائل کے متبادل کا اعلان نہیں کیا ہے۔

راجھستان رائلز کی ٹیم نے ٹوئٹر پر ایک ویڈیو پوسٹ کرتے ہوئے لکھا، ’جب تک ہم پھر ملتے ہیں، این سی این۔ آپ بہت جلد فٹ ہوجائیں‘۔