حیدرآباد: رمضان المبارک کے آغاز کے ساتھ حیرت انگیز طور پر بیشتر بینکوں کی اے ٹی ایم مشینیں بند ہوگئی ہیں۔

تفصیلات کے مطابق شہر بھر میں زیادہ تر بینکوں کے اے ٹی ایم مشینوں پر آوٹ آف آرڈر کا پرچہ لگا دیا گیا جس کے باعث تنخواہ دار طبقہ اے ٹی ایم سے رقم نکلوانے کے لئے دھکے کھانے پر مجبور ہوگئے ہیں۔

بینک مینجرز سے رابطہ کرنے پر مختلف بہانوں کا سہارا لیا جارہا ہے جبکہ بینکوں کے باہر گارڈز اکاؤنٹ ہولڈرز کبھی کیش ڈالے اور کبھی بند ہے کا بہانہ بنانے میں مصروف ہیں۔

یہ بھی پڑھیں: اے ٹی ایم مشینوں کو ڈیوائسز لگا کر پیسے نکالنے والے بین الاقوامی گروہ کا انکشاف

اے ٹی ایم مشینوں کے نظام کی نگرانی کرنے والا عملہ بھی غائب ہوگیا ہے جبکہ بینک مینجرز نے اے ٹی ایم مشینیں بند ہونے کی وجوہات بتانے سے گریز کیا ہے۔

اس حوالے سے شہریوں کا کہنا ہے کہ تین دن سے اے ٹی ایم مشینوں کے چکر لگا رہے ہیں کوئی بتانے والا نہیں، اے ٹی ایم کارڈ رکھنے والے اکاؤنٹ ہولڈر ہر علاقے میں چکر لگا لگا کر تھک گئے ہیں۔

شہریوں نے مزید کہا کہ بینکوں کے نظام پر اسٹیٹ بینک کی خاموشی قابل افسوس ہے۔