فیصل سبزواری نے کہا ہے کہ بحری امور کی وزارت کراچی پورٹ کو ترقی دینے کیلئے تعاون کریگی۔

  وفاقی وزیر برائے بحری امور فیصل سبزواری نے میڈیا سے گفتگو کرتے ہوئے کہا ہے کہ پہلا دورہ تھا آج کراچی پورٹ کا، یہاں کی چیزوں کو دیکھا ہے۔

انہوں نے کہا کہ مزید پورٹ کو ترقی دینے کے لئے اقدامات کیے جاسکتے ہیں، بحری امور کی وزارت ہر طرح تعاون کریگی، معاشی طور پر صورتحال بہتر نہیں ہے لیکن مسائل کے حل کے لئے اقدامات کرینگے۔

فیصل سبزواری نے کہا ہے کہ جلد از جلد ایسے کام کیے جائیں تاکہ کم وقت میں کام ہو، ذمہ داری اور فرائض کو دیکھتے ہوئے حکمت عملی بنائیں گے۔