انگلش پریمئیر لیگ کے دو روایتی حریف مانچسٹر یونائیٹڈ اور لیور پول کے مابین ٹاپ فور کی جگہ مستحکم کرنے کی جنگ آج ہو گی۔

ایک طرف لیور پول اپنی ٹائٹل کی امیدوں کو زندہ رکھنے کے لئے مہمان ٹیم کے ساتھ برا سلوک کرنے کو تیار ہے تو دوسری جانب مانچسٹر یونائیٹڈ بھی میزبان کو کوئی رعایت نہیں دے گا۔

یہ میچ اینفیلڈ کے فٹ بال اسٹیڈیم میں کھیلا جائے گا، شائقین فٹ بال کا جوش و خروش عروج پر پہنچ چکا ہے ، مانچسٹر یونائیٹڈ کے مداح کرسچیانو رونالڈو کی اس میچ میں عدم دستیابی پر مایوس ہیں۔

واضح رہے کہ دو روز قبل کرسچیانو رونالڈو کا نومولود بیٹا انتقال کر گیا تھا جس کے باعث وہ آج کے اس اہم ترین میچ میں حصہ نہیں لیں گے۔

لیورپول موجودہ لیڈر مانچسٹر سٹی سے ایک پوائنٹ پیچھے ہے، جو جمعرات کو فارم میں برائٹن اور ہوو البیون کی میزبانی کرتے ہیں۔

دوسری طرف یونائیٹڈ چوتھے نمبر پر موجود ٹوٹنہم ہاٹسپر سے بھی نبرد آزما ہو گا، جو چیمپئنز لیگ کوالیفائی کرنے کی دوڑ میں ان سے تین پوائنٹس آگے ہے۔

اس سے قبل لیورپول اور مانچسٹر سٹی نے 2-2 سے ڈرا کھیلا، جبکہ یونائیٹڈ نے اولڈ ٹریفورڈ میں نارویچ سٹی کو 3-2 سے شکست دی۔