مریم اورنگزیب نے کہا ہے کہ 197 ارکان قومی اسمبلی کو غدار قرار کیوں دیا گیا؟

مسلم لیگ ن کی ترجمان مریم اورنگزیب نے ٹوئٹر پر جاری ایک پیغام میں کہا ہے کہ عالمی اور ملکی سطح پر عسکری قیادت کو اس مراسلے کی تصدیق کے طور پر استعمال کیا جارہا ہے۔

انہوں نے کہا کہ وزارت دفاع اور وزارت خارجہ کو جواب دینا ہوگا، ریکارڈ ہے تو اسے سامنے لایا جائے، تحقیات اور کسی قانونی عمل کے بغیر 197 ارکان قومی اسمبلی کو غدار قرار کیوں دیا گیا؟ جواب دیا جائے۔

مریم اورنگزیب نے کہا ہے کہ عمران صاحب آئین کی پیٹھ میں خنجر گھونپ کر اور آئین شکنی کے جرم کا ارتکاب کرکےنام نہاد عالمی سازش کے پیچھے چھپنے کی کوشش کر رہے ہیں۔

مسلم لیگ ن کی ترجمان نے کہا ہے کہ ڈی جی آئی ایس پی آر نیشنل سیکیورٹی کونسل میں شامل عسکری قیادت سے متعلق عمران خان کے جھوٹ پر وضاحت جاری کریں۔

عالمی اور ملکی سطح پر عسکری قیادت کو اس مراسلے کی تصدیق کے طور پر استعمال کیا جارہا ہے۔ وزارت دفاع اور وزارت خارجہ کو جواب دینا ہوگا، ریکارڈ ہے تو اسے سامنے لایا جائے۔ تحقیات اور کسی قانونی عمل کے بغیر 197 ارکان قومی اسمبلی کو غدار قرار کیوں دیا گیا؟ جواب دیا جائے

— Marriyum Aurangzeb (@Marriyum_A) April 4, 2022