وزیراعظم شہباز شریف کی زیر صدارت قومی سالمتی کمیٹی کا اجلاس آج طلب کیا گیا ہے جس دوران متنازع خط پر بریفنگ متوقع کی جارہی ہے۔

 اجلاس آج دوپہر دن دو بجے وزیراعظم آفس میں منعقد ہوگا جس میں آئی ایس آئی کے وفد سمیت وفاقی وزراء اور تینوں سروسز چیفس شرکت کریں گے۔

اجلاس میں قومی سلامتی کی صورتحال اور متنازعہ خط پر بات ہوگی جبکہ وزارت خارجہ کی جانب سے متنازع خط و سائیفر پر بریفنگ دی جائے گی۔

اجلاس میں سابق حکومت کے خط اسکینڈل کے مرکزی کردار اور امریکہ میں سابق سفیر اسد مجید خان بھی شرکت کریں گے جو کہ گزشتہ چند ہفتوں سے پاکستان میں موجود ہیں اور ممکنہ طور پر خط کے متعلق اجلاس کے شرکاء کو بریفنگ بھی پیش کرینگے۔

وزارت خارجہ کے وفد کی قیادت سیکرٹری خارجہ امور سہیل محمود سمیت وزارت خارجہ امریکہ ڈویژن کے سینئر حکام بھی شریک ہوں گے۔

مراسلے ڈی کوڈ کرنے والے وزارت خارجہ کے حکام اور افسران کی کمیٹی کے اجلاس میں بریفنگ متوقع ہے۔