بالی ووڈ اسٹارز کو ہر سال افطار پارٹی پر مدعو کرنیوالے ’بابا صدیق‘ کون ہیں؟

ویب ڈیسک

20th Apr, 2022. 11:13 am
شيئر

بابا صدیق نے ہر سال کی طرح اس سال بھی ایک شاندار دعوت افطار کا انعقاد کیا، جس میں بالی ووڈ سے لے کر ٹی وی کے اداکاروں اور سیاستدانوں نے شرکت کی۔

بابا صدیق، سلمان خان اور شاہ رخ خان جیسے معروف بالی ووڈ اسٹارز سے دوستی کی وجہ سے اکثر زیر بحث رہتے ہیں۔

بابا صدیق ہر سال ماہ رمضان کے دوران اپنے خاص دوستوں کو افطار پارٹی میں مدعو کرتے ہیں۔

بابا صدیق کی اس سال منعقد ہونے والی افطار پارٹی میں کن کن بالی و وڈ اسٹارز نے شرکت کی ، آئیں تصویری جھلکیاں پیش کرتے ہیں۔

سلمان خان

شاہ رخ خان

شلپا شیٹی

سنجے دت

شہناز گل

ثناخان

سہیل خان

ارپیتا اور آیوش شرما

بابا صدیق کون ہیں؟

بابا صدیق کا پورا نام بابا ضیاء الدین صدیق ہے جوکہ ایک بھارتی سیاست دان ہیں۔

بابا صدیق ریاست مہاراشٹرا کے واندرے مغربی ودھان سبھا کے حلقہ سے رکن قانون ساز اسمبلی (ایم ایل اے) رہ چکے ہیں۔

وہ 1999، 2004 اور 2009 میں لگاتار تین بار ایم ایل اے رہے اور اس سے قبل مسلسل دو مرتبہ (1992–1997) میں میونسپل کارپوریٹر کے طور پر بھی خدمات انجام دے چکے ہیں۔

بابا صدیق کی شادی شہزین صدیق سے ہوئی ہے اور ان کے دو بچے بیٹی ڈاکٹر عرشیہ اور بیٹا ذیشان ہیں۔

بابا صدیق کی دوستی کئی بالی ووڈ اداکاروں سے ہے، جن میں شاہ رخ خان، سلمان خان، سنجے دت اور دیگر شامل ہیں۔

بابا صدیق کی افطار پارٹی کئی سالوں سے مشہور ہے ، پہلے اس میں صرف سیاست دان ہی آتے تھے لیکن آہستہ آہستہ انہوں نے بالی ووڈ کی مشہور شخصیات کو بھی مدعو کرنا شروع کر دیا اور ان کی افطار پارٹی اور بھی مقبول ہو گئی۔