پاکستان کے سابق فاسٹ بالر محمد عامر انگلینڈ میں کاؤنٹی کرکٹ اپنی بالنگ کا جادو دکھائیں گے۔

مقامی میڈیا کے مطابق مختلف میڈیا رپورٹس میں کہا گیا ہے کہ بائیں ہاتھ کے تیز رفتار محمد عامر گلوسٹر شائر میں نسیم شاہ کی جگہ لینے کا امکان ہے۔

گلوسٹرشائر کی جانب سے ایک پریس ریلیز جاری کیا گیا ہے جس میں کہا گیا ہے کہ نسیم شاہ کو کندھے کی انجری کے باعث کاؤنٹی چیمپیئن شپ کے میچوں سے باہر کردیا گیا تھا اور وہ ٹی ٹوئنٹی بلاسٹ میچوں کے لیے دستیاب ہوں گے.

پریس ریلیز کے مطابق نسیم شاہ برسٹل میں رہیں گے اور گلوسٹر شائر میڈیکل پینل کے ساتھ بحالی سے گزریں گے۔

گلوسٹر شائر نے مبینہ طور پر محمد عامر کو لا کر اپنی تیز رفتار رینک کو مضبوط کرنے کا فیصلہ کیا ہے۔ اگرچہ کلب کی طرف سے ایک سرکاری پریس ریلیز کا انتظار ہے۔

کاؤنٹی کرکٹ میں محمد عامر کی شرکت سے کرکٹ مبصرین کا خیال ہے کہ اگر وہ گراؤنڈ میں اچھی پرفارمنس دیتے ہیں تو پھر ان کے لئے قومی ٹیم میں آنا مشکل نہیں ہے۔

30 سالہ عامر نے دسمبر 2020 میں پاکستانی ٹیم انتظامیہ کے ساتھ جھگڑے کے بعد انٹرنیشنل کرکٹ سے ریٹائرمنٹ کا اعلان کیا تھا۔