انگلینڈ کرکٹ ٹیم کے بلےبازجیمز ونس کا خیال ہے کہ جو روٹ انگلینڈ کی ٹیسٹ ٹیم کی قیادت کرنے کے لیے صحیح آدمی ہیں لیکن انہوں نے کہا کہ اگر ان سے پوچھا گیا تو وہ ٹیسٹ کپتانی سے انکار نہیں کریں گے۔

ونس، ہیمپشائر کی ٹیم کے کپتان جو حالیہ برسوں میں ملک کے بہترین کھلاڑیوں میں سے ایک ہیں، کینٹ کے سیم بلنگز، واروکشائر کے ول روڈس، اور سمرسیٹ کے ٹام ایبل کے ساتھ ممکنہ ٹیسٹ کپتانوں میں سے ایک ہیں۔

ونس نے اب تک اپنے ملک کے لیے 13 ٹیسٹ کھیلے ہیں اور ان کی اوسط 24.90 ہے اور انہوں نے  آخری ٹیسٹ 2018 میں کھیلا تھا۔

ہیڈ کوچ کا عہدہ سنبھالنے کے دعویداروں میں سے ایک گیری کرسٹن بھی ونس کے مداح رہے ہیں اور انہوں نے ہمیشہ انہیں ایک روشن امکان قرار دیا ہے۔