پاکستانی شوبز سے وابستہ معروف اداکارہ اور ماڈل  ثناء فخر کی ایک ویڈیو سوشل میڈیا پر خوب وائرل ہو رہی ہے، جس میں انہیں اپنے بچوں کے ساتھ ورزش کرتے دیکھا جا سکتا ہے۔

ڈرامہ اور فلم انڈسٹری دونوں میں اپنی صلاحیتوں کا لوہا منوانے والی ثناء فخر اپنی فٹنس پر  بہت دھیان دیتی ہیں، اور مختلف سوشل میڈیا پلیٹ فارمز پر وہ اپنی جمنگ کرتے ہوئے مختصر ویڈیوز اور تصاویر شیئر کرتی رہتی ہیں۔

ثناء اپنی فٹنس اور صحت کے حوالے سے بہت حساس ہیں، انہوں نے گذشتہ روز انسٹاگرام پر ایک مختصر ویڈیو شیئر کی جس میں وہ ورزش کر رہی ہیں، جبکہ ان کے ساتھ ان کے دونوں بیٹے عزمی امام اور رایان امام کو بھی دیکھا جاسکتا ہے جو اپنی والدہ کے ساتھ ورزش میں مصروف ہیں۔

ثناء نے ویڈیو کے کیپشن میں لکھا، “میری سب سے بڑی نعمت  کہ میں ماں ہوں۔”

اس کیپشن کے ساتھ انہوں نے ہیش ٹیگ میں خدا کا شکر ادا کرتے ہوئے کہا کہ اس نعمت کا شکر ادا نہیں کیا جاسکتا۔

خیال رہے کہ ثناء فخر اپنی فٹنس کے حوالے سے دیگر فنکاروں کے مقابلے میں کچھ زیادہ ہی پرجوش نظر آتی ہیں، ورزش   کے لیے انہوں نے اپنے گھر کے ایک حصے میں چھوٹا سا جم بنایا ہوا ہے جہاں وہ ورزش اور ان کے بچے باکسنگ اور دیگر کھیلوں کی پریکٹس کرتے ہیں۔