فرانسیسی عدالت نے ماحولیاتی تحفظات کی بنیاد پراسپیس ایکس کے بانی ایلون مسک کی اسٹارلنک سروسز پرپابندی عائد کردی ہے۔

غیرملکی خبررساں ایجنسی کے مطابق اسٹار لنک کے خلاف فرانس کے کچھ ماحولیاتی گروپس کی جانب ایلون مسک کے اسٹار لنک منصوبے کے خلاف کیس دائر کیا گیا تھا۔

 یہ بھی پڑھیں: ایلون مسک کی ٹوئٹ نے ڈوج کوائن کی قیمت بڑھا دی

فرانسیسی عدالت عظمیٰ میں دائرہونے والے اس کیس میں فرانس کے ٹیلی کام آپریٹر Arcep کو بھی فریق بنایا گیا تھا۔

Arcepنے فروری 2021 میں اسٹارلنک کوفریکوئنسی کے دوبینڈزفراہم کیے تھےجو کہ فرانسیسی صارفین کے لیے کمپنی کے سیٹیلائٹ جھرمٹ سے منسلک تھے۔

مزید پڑھیں: ٹیسلا شیئرز کی غیر قانونی فروخت؛ ایلون مسک اور ان کے بھائی کے خلاف تحقیقات

اسٹارلنک کوعدالت میں گھسیٹنے والے ماحولیاتی گروپس میں سے ایک’ ایکٹ فار دی انوائرمنٹ‘ کے سربراہ اسٹیفین خرشوف کا کہنا ہے کہ عدالتی فیصلے کے مطابق اسٹارلنک کولائسنس فراہم کرنے کے فیصلے سے ہائی بینڈ وتھ انٹرنیٹ مارکیٹ تک رسائی اوراینڈ یوزرز کے مفادات پر اثرات مرتب ہوسکتے ہیں۔

 یہ بھی پڑھیں: ایلو ن مسک کی برین چپ اور دماغ کے آپریشن کے درمیان کیا تعلق ہے؟

اسٹارلنک کولائسنس دینے سے قبل اس پرعوامی رائے لینی چاہیئے تھی، لیکن Arcep نے ایسا نہیں کیا۔

عدالتی فیصلے کے مطابق اسٹارلنک اب ان دونوں بینڈزکی فریکوئنسی کوفرانس کی حدود میں استعمال نہیں کرسکے گی۔