حافظ حمداللہ نے کہا ہے کہ ثابت ہوا کہ ڈپٹی اسپیکر کی رولنگ غیر آئینی تھی۔

ترجمان پی ڈی ایم حافظ حمداللہ نے موجودہ صورتحال پر بیان دیتے ہوئے کہا ہے کہ ثابت ہوا کہ ڈپٹی اسپیکر کی رولنگ غیر آئینی تھی، اس کے بعد عمران نیازی اور عارف علوی کے فیصلے بھی غیر آئینی ہوگئے۔

انہوں نے کہا کہ ہمیں یقین ہے کہ عدالت کا فیصلہ نظریہ ضرورت نہیں، نظریہ جمہوریت پرمبنی ہوگا، آئین کا تقاضہ ہے کہ نظریہ ضرورت ہمیشہ کے لئے دفن ہو جائے۔

حافظ حمداللہ نے کہا ہے کہ آئین عدالت میں انصاف کا منتظر ہے، وہ عدالت جس کی بیناد آئین پرمبنی ہے، آئین کہہ رہا ہے کہ آئین شکنوں کے ہاتھوں زخموں سے چورچور ہوچکا ہوں۔

ترجمان پی ڈی ایم نے کہا ہے کہ آئین کا مطالبہ ہے کہ کے مجھے کلیدی طور پر روح کے مطابق بحال کیا جائے اور مجھ پرکسی قسم کیا کمپرومائزنہیں ہونا چاہیے، آئین کی بحالی پارلیمنٹ کی بحالی ہے، جس سے جموری، آئینی، سیاسی اور معاشی استحکام ممکن ہے۔