مشہور بھارتی اداکارہ راکھی ساونت کو دوستوں کی جانب سے قیمتی بی ایم ڈبلیو کار کا تحفہ مل دیا۔

بھارتی میڈیا رپورٹ کے مطابق بھارتی ڈانسر اور ٹیلی ویژن میزبان و اداکارہ راکھی ساونت کو ان کے دوستوں عادل اور شیلی لاتھر نے ایک بہت ہی مہنگا تحفہ دیا ہے۔

راکھی نے اپنے انسٹاگرام اکاؤنٹ پر ایک پوسٹ شئیر کی ہے جس میں دیکھا جا سکتا ہے کہ نئی بی ایم ڈبلیو کے اوپر ایک کیک رکھا ہے جبکہ اس ویڈیو کے کیپشنن میں راکھی نے دوستوں کا شکریہ بھی ادا کیا ہے۔

راکھی ساونت نے اپنے دوستوں کی جانب سے 50 لاکھ روپے (بھارتی) مالیت کی بی ایم ڈبلیو ایکس آئی کار کی مالکہ بننے پر انتہائی مسرت اور فخر کا اظہار کیا۔

یاد رہے کہ اس سے قبل ان کے پاس سوئفٹ کار تھی لیکن یہ تحفہ ملنے کے بعد اب وہ بی ایم ڈبلیو جیسی قیمتی اور لگژی کار کی مالکہ بن گئی ہیں۔