پاکستان شو بز انڈسٹری کی نامور مارننگ شو ہوسٹ اور اداکارہ ڈاکٹر شائستہ لودھی نے بھی ملک کی موجودہ صورتحال اور عمران خان کے خلاف تحریک عد م اعتماد کی کامیابی پراظہار خیال کیا ہے۔

ڈاکٹر شائستہ لودھی نے اپنے ٹوئٹر پر سابق وزیراعظم عمران خان کی  ایک مسکراتی ہوئی تصویر شئیر کی اور ساتھ ہی لکھا کہ عمران خان ہم معافی چاہتے ہیں ، ہم آپ کے لائق ہی نہیں۔

Sorry #ImranKhan… we dont deserve u 😞 pic.twitter.com/3fpj2zNBTW

— Dr. Shaista Lodhi (@IamShaistaLodhi) April 10, 2022

 عمران خان اب وزیر اعظم نہیں رہے لیکن اس کے باوجود شوبز شخصیات نے ان کا ساتھ دیتے ہوئے انہیں مضبوط رہنے اور نہ گھبرانے کا مشورہ دیا ہے۔

واضح رہےکہ قومی اسمبلی میں عمران خان کے خلاف عدم اعتماد کی قرارداد 174 ووٹوں سے کامیاب ہوئی۔

عمران خان 3 سال 7 ماہ 21 دن تک وزارت عظمیٰ کے منصب پر فائز رہے۔

عمران خان پارلیمانی تاریخ کے پہلے وزیراعظم ہیں جنہیں باقاعدہ آئینی طریقہ کار کے تحت عدم اعتماد کی قرارداد کے ذریعے اپنے عہدے سے ہٹایا گیا۔

دوسری جانب آج وزارت عظمیٰ کے لیے اپوزیشن جماعتوں کے متفقہ امیدوارشہباز شریف نے اپنے کاغذت نامزدگی جمع کروادیے ہیں جس کے بعد اب قومی اسمبلی نئے قائد ایوان کا انتخاب کرے گی۔