گرمی کے موسم میں کھجور کا استعمال نقصان دہ ہے یا نہیں ؟ 

اس سوال کا جواب آج ہم آپ کو اپنی اس اسٹوری میں دینگے ، تاکہ آپ کسی پریشانی کے بغیر رمضان میں کھجور کا استعمال جاری رکھ سکیں، چاہے گرمی ہو یا سردی۔

گرمیوں میں کھجور کا استعمال:

طبی ماہرین کا کہنا ہے کہ کھجور کھانے سے جسم میں حرارت پیدا ہوتی ہے اور اس کا استعمال سردی میں زیادہ مفید ہے، لیکن گرمیوں میں اس کو کھانے میں بھی کوئی حرج نہیں ہے البتہ مقدار کا خیال رکھ کر کھائی جائے تو یہ نقصان دہ ثابت نہیں ہوگی۔

گرمیوں میں روزانہ کتنی کھجور کھائی جا سکتی ہیں؟

رمضان میں تو ہم روزانہ ہی سحر و افطار میں کھجور کھاتے ہیں، لیکن ضروری یہ ہے کہ اس کو کھانے کی مقدار کی حد کا خیال رکھا جائے تاکہ یہ نقصان دہ ثابت نہ ہو۔

گرمیوں میں صرف دو یا تین کھجوریں کھانا ہی صحت کے لیے بہتر ہے، اس سے زائد کھانے سے جسم میں حرارت پیدا ہو سکتی ہے ساتھ ہی یہ معدے میں درد کی وجہ بھی بن سکتی ہے۔

تو پھر رمضان میں کھانے پینے میں احتیاط کریں اور صرف 2 سے 3 کھجور کھا کر صحت متوازن رکھیں۔