وزیراعلیٰ بلوچستان کی زیر صدارت صوبائی کابینہ کا اجلاس ہوا ہے۔

 وزیراعلیٰ بلوچستان میر عبدالقدوس بزنجو کی زیر صدارت صوبائی کابینہ کا اجلاس ہوا جس میں 45 ایجنڈا پوائنٹس شامل تھے۔

کابینہ نے غیر ملکی سرمایہ کاروں کے صوبے میں طویل مدت قیام کی پالیسی کی منظوری دی جس کا مقصد بلوچستان میں سرمایہ کاری کو فروغ دینا ہے۔

کابینہ نے بلوچستان ہیلتھ کارڈ پروگرام پر عملدرآمد اوراس کی فوری طور پر لانچنگ کی منظوری دی اس سہولت سے بلوچستان کے 18لاکھ خاندان مستفید ہوں گے جنہیں فی خاندان 10لاکھ روپے کا ہیلتھ کور میسر ہوگا۔

اس کے علاوہ کابینہ نے شہید سکندر زہری اسپتال خضدار اور 50 بستروں کے خدابادان اسپتال پنجگور کو خود مختار اسپتال قرار دینے کے بلوں کی بھی منظوری دی۔