ماہِ رمضان ایسا مہینہ ہے کہ اس میں جتنی عبادت کی جائے کم ہے لیکن اگر اس مہینے میں عمرے کی سعادت نصیب ہو جائے تو اس کا بےحد ثواب ہے۔

یہی وجہ ہے کہ دنیا بھر سے لاکھوں کی تعداد میں خوش نصیب لوگ مکہ تشریف لا رہے ہیں، جن میں پاکستان سمیت دنیا بھر کے شوبز ستارے اور کرکٹرز بھی شامل ہیں۔

وہ کون کون سے کرکٹرز اور شوبز ستارے ہیں جنہوں نے اس مبارک مہینے میں عمرے کی ادائیگی کی آیئے ایک نظر ڈالتے ہیں۔

عمرے کی سعادت حاصل کرنے والے ستارے

شاداب خان:

Alhamdulillah, performed Umrah. Prayed for my country, for humanity, for peace, for prosperity and above all health for everyone. May Allah bless you all. pic.twitter.com/UbeNRtFS9J

— Shadab Khan (@76Shadabkhan) April 14, 2022

قومی کرکٹ ٹیم کے آل راؤنڈر شاداب خان نے 14 اپریل کو ٹوئٹر پوسٹ کے ذریعے اطلاع دی کہ انہوں نے عمرہ ادا کیا ہے۔

فاطمہ ثنا:

پاکستانی ویمن کرکٹ ٹیم کی فاسٹ بولر فاطمہ ثنا نے بھی اس رمضان اپنی زندگی کا پہلا عمرہ کیا جس کی تصویر انہوں نے انسٹاگرام پر پوسٹ کی۔

محمد وسیم:

الحمدللّٰہ ۔ 🕋
اللہ سب مسلمانوں کو حاضری کی توفیق اور استطاعت عطا فرمائے ۔ #Umrah pic.twitter.com/4W4z3WUNCt

— Muhammad Wasim (@MuhammadWasim77) April 17, 2022

پاکستان کرکٹ ٹیم کے چیف سلیکٹر محمد وسیم بھی ان خوش قسمت لوگوں میں سے ہیں جنہیں رمضان المبارک میں عمرے کی ادائیگی کا موقع ملا۔

گوہر خان:

بھارتی اداکارہ اور بگ باس باس سیزن 7 کی فاتح گوہر خان اپنے خاوند زید دربار کے ہمراہ عمرے کی ادائیگی کے لیے ان دنوں مسجد الحرام میں موجود ہیں۔

زید علی:

پاکستانی نژاد کینیڈین یوٹیوبر زید علی بھی اپنی اہلیہ اور بیٹے ازیان کے ہمراہ رمضان المبارک کے آغاز میں مکہ مکرمہ گئے اور عمرے کی سعادت حاصل کی۔

یشما گل:

پاکستانی اداکارہ یشما گل گزشتہ روز ہی اپنی فیملی کے ہمراہ عمرے کی ادائیگی کے لیے مکہ مکرمہ روانہ ہوئی ہیں، اداکارہ نے انسٹاگرام اکاؤنٹ پر ویڈیو اور تصاویر شیئر کیں۔

ثنا خان:

مذہب کے خاطر شوبز کی دنیا کو خیرباد کہنے والی مشہور سابق بھارتی اداکارہ ثنا خان نے بھی آج ہی اپنے شوہر کے ہمراہ عمرے کی ادائیگی کی اور اس کی تصاویر شئیر کی ہیں۔