کراچی میں رواں سال دوسری بار بینک ڈکیتی کا واقعہ پیش آیا۔

ذرائع کے مطابق کراچی کے علاقے نارتھ ناظم آباد میں رواں سال کی دوسری بینک ڈکیتی کا واقعہ پیش آیا۔

پولیس حکام کا کہنا ہے کہ بینک ڈکیتی کا مقدمہ برانچ منیجر کی مدعیت میں تھانہ شارع نور جہاں میں نامعلوم ملزمان کے خلاف درج کیا گیا ہے۔

مقدمے کے متن میں لکھا ہے کہ ملزم صبح 11 بجکر 9 منٹ پر بینک میں داخل ہوئے، ڈاکو سیکیورٹی گارڈ کو قابو کرکے بینک میں اندر آئے، ملزمان نے کیش کاؤنٹر سے تقریبا 20 لاکھ روپے کی رقم لوٹی اور تین منٹ میں فرار ہوگئے۔

 متن میں لکھا ہے کہ ملزم فرار ہوتے ہوئے سیکیورٹی گارڈز کا اسلحہ بھی ہمراہ لے گئے، ملزمان کی تعداد 6 تھی جنہوں نے دوران واردات سیکیورٹی گارڈ پر تشدد بھی کیا۔