رمضان میں پیش کیے جانے والے ’گیم شو‘ کے دوران شوبز انڈسٹری کی نامور خوبرو اداکارہ ثنا جاوید کے منہ پر بیگ گرپڑا،جس کی ویڈیو دیکھتے ہی دیکھتے سوشل میڈیا پر وائرل ہو چکی ہے۔

وائرل ویڈیو میں دیکھا جا سکتا ہےکہ ثنا جاوید دیگرشرکا کے ساتھ مل کر شو میں گیم کھیل رہی ہیں اور اسے دوران اونچائی سے اپنی جانب اچھالے گئے بیگ کو وہ پکڑ نہ پائی ،جو سیدھا آکر روز دار طریقے سے ان کے منہ پر لگ گیا۔

میڈیا رپورٹس کے مطابق اس واقعے میں اداکارہ کو کسی بھی قسم کی کوئی چوٹ تو نہیں تاہم گیم شو میں پیش آنے والے اس واقعے کا یہ کلپ کافی وائرل ہو گیا ہے۔

واضح رہےکہ ثناء جاوید گزشتہ ماہ سے خبروں کی زینت بنی ہوئی ہیں، سوشل میڈیا پران   کی جانب سے ماڈلز اور میک اپ آرٹسٹوں کے ساتھ کی جانے والی بدسلوکی کے بارے میں لوگ باتیں کررہے ہیں اور شدید تنقید کرتے ہوئے ان پر پابندی لگانے کا مطالبہ کررہے ہیں۔

سوشل میڈیا صارفین کا موقف ہے کہ انڈسٹری اورعوام دونوں کو ثنا جاوید پر پابندی لگانی چاہئے اور اداکارہ کو ان تمام لوگوں سے معافی مانگنی چاہئے جن کے ساتھ انہوں نے برا سلوک کیا۔