مسلم لیگ (ن) کے قائد میاں محمد نواز کی وطن واپسی کے بارے میں اہم پہیشرفت ہوئی ہے، ن لیگی رہنما طلال چوہدری کا دعویٰ ہے کہ سابق وزیراعظم نواز شریف الیکشن سے پہلے وطن واپس آجائیں گے۔

نجی ٹی وی کے پروگرام میں گفتگو کرتے ہوئے طلال چوہدری نے کہا کہ نوازشریف کی جان ہمیں سب سے زیادہ عزیز ہے، وہ الیکشن سے پہلےوطن واپس آجائیں گے۔

ان کا کہنا تھا کہ اب الیکشن جب بھی ہوں وہ پاکستان آ کر انتخابی مہم کی قیادت کریں گے۔

طلال چوہدری کا یہ بھی کہنا تھا کہ 5 سے 6 ماہ میں الیکشن نہیں کرائے جا سکتے، آئینی طور پر نئی حکومت بنی ہے۔

اگر طلال چوہدری سے نتیجہ اخذ کریں تو ایسا لگتا ہے نواز شریف کا اگلے 5 سے 6 ماہ میں پاکستان واپس آنے کا کوئی ارادہ نہیں ہے۔

لیکن دوسری جانب مسلم لیگ ن کے رہنما جاوید لطیف نے بھی گزشتہ روز نجی ٹی وی کے پروگرام میں دعویٰ کیا تھا کہ نواز شریف عید کے بعد پاکستان واپس آئیں گے۔

جاوید لطیف نے بتایا تھا کہ نواز شریف  پاکستان آکر عدالتوں کے فیصلوں اور سزاؤں کا سامنا کریں گے۔