مرد حضرات کے کُرتے میں بٹن تو ہوتے ہیں مگر اب شلوار میں بھی بٹن ہوں گے، فیشن کے دلدادہ مرد حضرات کے لیے معروف فیشن ڈیزائنر ماہین خان نے خصوصی لباس متعارف کروا دیا۔

پاکستان کی نامور فیشن ڈیزائنر ماہین خان نے فیشن کے دلدادہ مرد حضرات کا خیال رکھتے ہوئے عید الفطر کے موقع پر ان کے لیے خصوصی فیشن ایبل لباس متعارف کروادیا ہے۔

ماہین خان نے اپنے معروف برانڈ گلابو کا نیا ورژن گلابو جنٹل مین متعارف کروایا ہے جوکہ اپنے منفرد یا یوں کہہ لیجیئے کہ عجیب ڈیزائن کی وجہ سے تنقید کی زد میں ہے۔

ماہین خان کی جانب سے متعارف کروائے گئے ان خصوصی کُرتا شلوار کی مختلف اور منفرد بات یہ ہے کہ اس کی شلوار کے پائینچے میں بٹن موجود ہیں جس کو فولڈ کر کے بٹن لگائے بھی جا سکتے ہیں ماہین خان کے اس ڈیزائن کو لے کر سوشل میڈیا پر بحث جاری ہے۔

تاہم مشہور ڈیزائنر ماہین خان کا کہنا ہے کہ یہ بہترین ڈیزائن صرف فیشن سینس رکھنے والے مرد حضرات کے لئے ہے۔

Launched a men’s line for the fashion savy,only because I’m so bored with the way they dress .Those tight body hugging kameezes 🙈where every seam is stretched to bursting point or the poorly cut kameez that rides up in https://www.bolnews.com/urdu/latest/2022/04/903065/amp/ it or hate it .has to be said . pic.twitter.com/HVuMdjNBpb

— Maheen Khan (@Maheenkhanpk) April 27, 2022

علاوہ ازیں مرد حضرات کی قمیض کو بھی اس طرح ڈیزائن کیا گیا ہے کہ اسے آسانی سے ہر طرح کی جسامت رکھنے والے افراد اور خواتین بھی پہن سکتی ہیں۔

گلابو جنٹلمین کے تحت ماہین خان نے متعدد رنگوں میں عید کے موقع پر مرد حضرات کے لیے خصوصی لباس متعارف کرائے ہیں اور انہوں نے سوشل میڈیا پر لباس کے ڈیزائن پر خدشات کا اظہار کرنے والے مرد حضرات کے سوالوں کے جوابات بھی دیئے ہیں۔

ماہین خان نے متعاف کرائے گئے لباس کی تصاویر ٹوئٹ کرتے ہوئے لکھا کہ ان کا لباس ان مرد حضرات کے لیے ہے جو کہ فیشن کے دلدادہ ہیں اور جو فیشن کو سمجھنے کی اہلیت رکھتے ہیں۔

سوشل میڈیا پر جہاں کئی مرد حضرات ماہین خان کی جانب سے متعارف کرائے گئے لباس کی تعریفیں کر رہے ہیں وہیں بعض لوگوں نے لباس کے ڈیزائن کا مذاق بھی اڑایا ہے۔

Free fall, relax, breathing, comfy, all are good and these were the shilwar kamiz of my teenage! That’s good you are re-introducing it BUT please don’t put these Buttons and Designs on the پائنچہ of Shilwar.

— Dr Wisal M Khan (@WisalDr) April 27, 2022

گلابو جنٹل مین کے انسٹاگرام پیج پر مذکورہ لباس کی قیمت 12 ہزار روپے رکھی گئی ہے جوکہ پاکستان کے دیگر برانڈ کے جوڑوں سے کئی زیادہ ہے۔

pic.twitter.com/FkeSEQaQRr

— Gandalf (@__Mordor__) April 27, 2022