انگلینڈ کے آل راؤنڈر بین اسٹوکس گھٹنے کی انجری کے باعث بین الاقوامی کرکٹ میں واپسی تاخیر کا شکار ہو گئی ہے۔

انگلینڈ کے نائب کپتان بین اسٹوکس کا کہنا ہے کہ وہ موسم گرما کے لیے اس وقت تک کوئی منصوبہ نہیں بنا سکتے جب تک کہ ان کے گھٹنے کی تکلیف کا اندازہ لگانے کے لیے اسکین نہیں کرایا جاتا۔

کاؤنٹی میں ڈرہم کے آل راؤنڈر بین اسٹوکس ویسٹ انڈیز کے خلاف انگلینڈ کی حالیہ سیریز میں شکست کے دوران گھٹنے کی تکلیف کا شکار ہوئے تھے۔

واضح رہے کہ کاؤنٹی چیمپئن شپ جمعرات سے شروع ہو رہی ہے، جبکہ انگلینڈ کا نیوزی لینڈ کے خلاف موسم گرما کا پہلا ٹیسٹ جون کے آغاز میں شیڈول ہے۔

 بین اسٹوکس نے کہا کہ جب تک میری انجری کے حوالے سے مثبت رپورٹس نہیں آتی اس وقت تک پریکٹس سیشن میں حصہ لینا انتہائی مشکل ہے۔

برطانوی میڈیا سے بات کرتے ہوئے بین اسٹوکس نے مزید کہا انجری کے بعد پتہ چلا کہ کیا ہو رہا ہے، لیکن امید ہے کہ کچھ عرصے میں اچھی منصوبہ بندی ہو سکتی ہے۔

یاد رہے کہ انگلینڈ نے ایک مشکل موسم سرما کا سامنا کیا جس میں آسٹریلیا کے ہاتھوں 4-0 کی ایشز کی شکست شامل تھی.

جبکہ ویسٹ انڈیز کے ہاتھوں 1-0 کی شکست نے بھی انگلینڈ کرکٹ ٹیم کی کارکردگی پر سوالیہ نشان کھڑے کر دیئے ہیں۔