نائجیریا کی غیر قانونی آئل ریفائنری میں دھماکے سے 100 سے زائد افراد ہلاک ہو گئے۔

غیر ملکی میڈیا رپورٹس کے مطابق مقامی حکومتی اہلکار اور ایک ماحولیاتی گروپ کا کہنا تھا کہ نائیجیریا کی ریورز ریاست میں تیل صاف کرنے کے غیر قانونی ڈپو میں ہونے والے دھماکے میں تقریبا 100 سے زیادہ افراد ہلاک ہو گئے۔

پیٹرولیم وسائل کے ریاستی کمشنر گڈ لک اوپیاہ نے ہفتے کے روز کہا کہ ایک غیر قانونی بنکرنگ سائٹ پر آتش زدگی سے سو سے زیادہ لوگ ہلاک ہو گئے ہیں جن کی لاشیں بھی ناقابل شناخت ہو گئی ہیں۔

یوتھ اینڈ انوائرمینٹل ایڈووکیسی سینٹر کے مطابق کئی گاڑیاں جو غیر قانونی ایندھن خریدنے کے لیے قطار میں کھڑی تھیں، دھماکے میں جل کر تباہ ہو گئیں۔