پاکستانی اداکارہ میرا نے نامور بھارتی اداکار جیکولین فرننڈس سے ملاقات کی ہے جس کی تصویر سوشل میڈیا پر وائرل ہو رہی ہے۔

رپورٹ کے مطابق معروف فلم اسٹار میرا جی نے بالی ووڈ کی خوبرو اداکارہ جیکولین فرننڈس سے ملاقات کی ہے اور ساتھ میں تصویر بھی بنوائی ہے۔

اداکارہ میرا کے ہمراہ تصویر میں بھارتی اداکارہ کو بھی سفید لباس میں ملبوس دیکھا جاسکتا ہے، یہ تصویر سوشل میڈیا پر گردش میں ہے اور صارفین اس پر خوب تبصرے کر رہے ہیں۔

اس تصویر کے کیپشن میں میرا نے لکھا ہے کہ بالی وُڈ کی اداکارہ جیکولین فرننڈس کے ساتھ دبئی کی ایک تصویر۔

کام کے اعتبار سے دیکھا جائے تو اداکارہ میرا آج کل متعدد پراجیکٹس کی شوٹنگ میں مصروف ہیں جس سے وہ اپنے مداحوں کو آگاہ بھی کرتی رہتی ہیں۔

سوشل میڈیا سائٹ فیس بک پر اداکارہ نے دبئی میں منعقدہ ایک تقریب سے اپنی دلکش تصویر جاری کی ہے۔