بی این پی کے سربراہ اختر مینگل نے حکومت سے الگ ہونے کی دھمکی دیدی۔ 

سماجی رابطے کی ویب سائٹ پر ٹوئٹ کرتے ہوئے بلوچستان نیشنل پارٹی (بی این پی) مینگل کے سربراہ سردار اختر مینگل نے دعویٰ کیا کہ ایف سی نے پرامن طریقے سے احتجاج کرنے والے بلوچوں کو تشدد کا نشانہ بنایا جس پر بی این پی نے آج قومی اسمبلی اجلاس سے واک آؤٹ بھی کیا۔

اختر مینگل

اپنی ٹوئٹ میں سردار اختر مینگل نے حکومت سے الگ ہونے کی دھمکی دیتے ہوئے کہا کہ جب ایسے واقعات ہوتے رہیں گے تو ہم کس طرح اس حکومت کا حصہ بن سکتے ہیں،  کیا یہ اعتماد سازی کے اقدامات ہیں۔

انہوں نے مزید کہا کیا تشدد سے بلوچستان کے مسائل حل ہوسکتے ہیں ، ہماری ترجیح بلوچستان اور اس کے عوام ہیں اور میں واضح طور پر بتانا چاہتا ہوں کہ بلوچستان پر کوئی سمجھوتہ نہیں ہوگا۔

اس سے قبل وزیراعظم شہبازشریف سے بی این پی کے سربراہ سردار اختر مینگل نے ملاقات کی اس دوران لاپتہ افراد کی بازیابی سے متعلق بات چیت کی گئی ہے اورساتھ ہی تجارتی روٹ کھولنے کے حوالے سے بات کی ہے۔