کرپٹوکرنسی کا دائرہ کارحکومتوں اوراداروں سے نکل کراب کھیل کے میدانوں کوبھی اپنی گرفت میں لے رہا ہے۔

چند قبل دن نان فنجائی ایبل ٹوکنزپلیٹ فارم پرباکسنگ رنگ کے شہنشاہ مائیک ٹائیسن کے آرٹ ورک پرمبنی مسٹری باکسزکونیلام کے لیے پیش کیا گیا تھا۔

مزید پڑھیں: شہرہ آفاق باکسرمائیک ٹائیسن ڈیجیٹل اکھاڑے میں داخل

دنیا کے مقبول مکس مارشل آرٹس الٹی میٹ فائٹنگ چیمپئن شپ (یوایف سی) اورسنگاپورسے تعلق رکھنے والے کرپٹو کرنسی ایکسچینج کرپٹوڈاٹ کام نے یوایف سی کھلاڑیوں کو ’ کرپٹو بونسز‘ دینے کا اعلان کردیا ہے۔

یوایف سی اورکرپٹوڈاٹ کام کی جانب سے جاری ہونے والے مشترکہ اعلامیے  کے مطابق چیمپئن شپ میں شرکت کرنے والے کھلاڑیوں کو مداحوں کے ووٹ کی بنیاد پرڈیجیٹل کرنسی کی شکل میں بونس دیا جائے گا۔

’ فین بونس آف دی نائٹ‘ کے نام سے پیش کیے گئے اس پروگرام کوتین درجوں میں تقسیم کیا گیا ہے۔

بٹ کوائن بونس کوہریوایف سی پے پرویوایونٹ کے ٹاپ تھری کھلاڑیوں کوکرپٹوکرنسی کی شکل میں دیا جائے گا۔

ان تینوں کھلاڑیوں کا تعین دنیا بھرسے ناظرین کی جانب سے ملنے والے ووٹوں کی بنیاد پرکیا جائے گا۔

رپورٹ کے مطابق تینوں خوش نصیب کھلاڑیوں کومجموعی طورپر60 ہزارڈالرکا اضافی کیش انعام بھی دیا جائے گا۔

پہلے مرحلے میں 30 ہزارڈالرمالیت، دوسرے مرحلے میں 20 ہزارڈالراورتیسرے مرحلے میں جیتنے والوں کودس ہزارڈالرکے مساوی بٹ کوائن ادا کیے جائیں گے۔

ادا کیے جانے والے بٹ کوائن امریکی ڈالرمیں ایکسچینج ریٹ کے حساب سے دیے جائیں گے۔

یو ایف سی کا پہلا بٹ کوائن فین بونس یوایف سی پے پرویومقابلہ یوایف سی 273: والکینوسکی بہ مقابلہ کورین زومبی 9 اپریل کو ہوگا۔