ملک کے بیشتر علاقوں میں بارش، بوندا باندی اور تیز ہواؤں کے سلسلے کے بعد محمکہ موسمیات نے ایک بار پھر موسم گرم اور خشک رہنے کی پیشگوئی کردی ہے۔

اس حوالے سے محکمہ موسمیات کا کہنا ہے کہ آئندہ بارہ گھنٹوں کے دوران ملک کے بیشتر علاقوں میں موسم گرم اور خشک رہنے کا امکان ہے تاہم بالائی خیبرپختونخوا، گلگت بلتستان، کشمیر اور اس سے ملحقہ پہاڑی علاقوں میں گرج چمک کے ساتھ بارش کا امکان ہے۔

اسلام آباد میں موسم گرم اور خشک رہے گا تاہم بعد دوپہر گرد آلود ہوائیں چلنے کا امکان ہے۔

صوبہ پنجاب کے بیشتر اضلاع میں موسم خشک اور گرم جبکہ مری اور گرد ونواح میں مطلع جزوی ابر آلود رہے گا۔

صوبہ سندھ اور بلوچستان کے بیشتراضلاع میں موسم گرم اورخشک رہےگا۔

کے پی کے صوبے کے بیشتر اضلاع میں موسم خشک اور گرم رہے گا۔ تاہم مانسہرہ، ایبٹ آباد، سوات ، کوہستان، پشاور اور کرم میں تیز ہواؤں اور گرج چمک کے ساتھ ہلکی بارش کا امکان ہے۔

کشمیر میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔