سری لنکا کے خلاف  ڈیبیو کرنے والی قومی خواتین کرکٹ ٹیم کی لیگ اسپنر  طوبیٰ حسن نے اپنے ڈیبیو میں ہی ریکارڈ قائم کر دیا ہے۔

تفصیلات کے مطابق طوبیٰ حسن نے  سری لنکا کے خلاف پہلے ٹی ٹوئنٹی میچ میں   4 اوورز میں 8 رنز کے عوض 3 کھلاڑیوں کو پویلین کی راہ دکھائی ان کے اسپیل میں ایک میڈین اوور بھی شامل تھا۔

اس طرح طوبیٰ حسن ٹی ٹوئنٹی ڈیبیو میں  بہترین بولنگ فگر کے ساتھ پاکستان کی پہلی خاتون کرکٹر بن گئی ہیں۔

𝟒-𝟏-𝟖-𝟑

Advertisement

Best bowling figures on debut for Pakistan Women in T20Is! 🙌

An incredible spell by Tuba Hassan 💫

🐦 @TheRealPCB_Live
Watch Live ➡️ https://www.bolnews.com/urdu/latest/2022/05/119285/amp/
#⃣ #BackOurGirls | #PAKWvSLW pic.twitter.com/V9G0pTBSyk

— Pakistan Cricket (@TheRealPCB) May 24, 2022

واضح رہے کہ پاکستان ویمنز ٹیم نے سری لنکن ویمنز ٹیم کو پہلے ٹی ٹوئنٹی میچ میں 6 وکٹوں سے شکست دے دی۔

کراچی میں کھیلے گئے میچ میں سری لنکا نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 106 رنز بنائے۔

ہرشیتھا مداوی اور نیلاکشی ڈی سلوا 25،25 ، انوشکا سنجیوانی 16 اور اما کنچانا 12 رنز بناکر نمایاں رہیں۔ دیگر کوئی کھلاڑی ڈبل فیگرز میں داخل نہ ہوسکی۔

پاکستان کی جانب سے ڈیبیوٹنٹ طوبیٰ حسن نے صرف 8 رنز کے عوض 3 وکٹیں حاصل کیں۔انعم امین  نے 21 رنز کے عوض 3 اور ایمن انور نے 32 رنز کے عوض 2 وکٹیں حاصل کیں۔

جواب میں پاکستان ٹیم نے مقررہ ہدف باآسانی 18.4 اوورز میں 4 وکٹوں کے نقصان پر حاصل کرلیا۔

ندا ڈار 36 رنز بناکر ناقابل شکست رہیں جبکہ عائشہ نسیم ایک رن بناکر ناٹ آؤٹ رہیں۔کپتان بسمہ معروف  نے 28 ، منیبہ علی اور ارم جاوید  نے 18،18 رنز بنائے۔

تاہم ڈیبیوٹنٹ گل فیروزہ بغیر کوئی رن بنائے آؤٹ ہوگئیں۔

ڈیبیوٹنٹ طوبیٰ حسن کو شاندار بالنگ کرنے پر میچ کی بہترین کھلاڑی قرار دیا گیا۔

.@TubaHassan_72 is the Player of the Match!#PAKWvSLW | #BackOurGirls pic.twitter.com/nGjIl68Dem

— Pakistan Cricket (@TheRealPCB) May 24, 2022