بولی اداکارہ دیپیکا پڈوکون کو کانز فلم فیسٹیول کے ریڈ کارپٹ پر شرمندگی کا سامنا کرنا پڑا۔

دیپیکا اس سال کانز فلم فیسٹیول کی جیوری ممبر ہیں اور تقریباً ہر روز ہی اس ریڈ کارپٹ پر چلتی نظر آتی ہیں۔

ابھی تک تو انہوں نے اپنی شرکت کو آرام دہ اور سادہ رکھا تھا لیکن جب انہوں نے کچھ الگ کرنے کی ٹھانی تو ریڈ کارپٹ پر انہیں شرمندگی کا منہ دیکھنا پڑا۔

دیپیکا نے ایک ٹریل والا لمبا چوڑا نارنجی رنگ کا گاؤن پہن کر ریڈ کارپٹ کا رخ کیا، لیکن انہیں یہ گاؤن کو پہن کر چلنے میں دشواری پیش آئی۔

حالانکہ دیپیکا ٹریل گاؤن میں بہت خوبصورت لگ رہی تھیں اور  انہوں نے اپنے ساتھی جیوری ممبران کے ساتھ فلم “لائینوسینٹ” کی اسکریننگ میں شرکت کے دوران کئی پوز بھی دئے۔

ان کی ڈریس پر کئی پلیٹس تھیں، لیکن انہیں اپنے ٹریل گاؤن کو سنبھالنا مشکل ہورہا تھا۔ جب بھی وہ تھوڑا سا چلتیں، انہیں اپنی ٹریل کو بیک پر لانے کے لیے جھکنا پڑتا۔

وہ اپنے ڈریس میں پریشانی کے ساتھ چلتی اور ریڈ کارپٹ کی سیڑھیاں چڑھنے کے لیے جدوجہد کرتی نظر آئیں۔

 دیپیکا نے اپنے انسٹاگرام اکاؤنٹ پر فرانسیسی رویرا کے ساتھ لی گئی تصاویر بھی شیئر کیں۔

 کانز 2022 میں دیپیکا پڈوکون کا لک کافی اچھا رہا ہے۔ وہ فیسٹیول میں جیوری ممبر کے طور پر بھارت کی نمائندگی کر رہی ہیں۔