پاکستان کرکٹ بورڈ (پی سی بی) ویسٹ انڈیز کے خلاف آئندہ ہوم سیریز کے لیے چند سینئر کھلاڑیوں کو آرام دینے پر غور کر رہا۔

رپورٹس بتاتی ہیں کہ چیف سلیکٹر محمد وسیم کی سربراہی میں سلیکشن کمیٹی اگلے ماہ کھیلے جانے والے تین ون ڈے میچوں کے لیے چند نوجوان کھلاڑیوں کو آزمانے کی خواہشمند ہے۔

مختلف رپورٹس میں یہ بھی کہا گیا تھا کہ ویسٹ انڈیز کے خلاف سیریز کے لیے پاکستان کے اسکواڈ کا اعلان 20 مئی کو کیے جانے کا امکان ہے جب کہ پاکستان کا تربیتی سیشن 23 مئی سے شروع ہونے کا امکان ہے۔

ملک میں جاری سیاسی صورتحال کے باعث شیڈول سیریز یعنی راولپنڈی کا مقام تبدیل کیا جا سکتا ہےملتان اس کے لیے بیک اپ آپشن ہو سکتا ہے، تاہم پی سی بی کی جانب سے کوئی باضابطہ اعلان نہیں کیا گیا۔

تین میچوں کی ون ڈے سیریز 8، 10 اور 12 جون کو کھیلی جانی ہے۔

یاد رہے کہ  سیریز گزشتہ سال ویسٹ انڈیز کے کیمپ میںکوویڈ پھیلنے کی وجہ سے ملتوی کر دی گئی تھی۔