پاکستان کرکٹ بورڈ(پی سی بی) کے چیئرمین رمیز راجہ نے کہا ہے کہ پاکستان نے ہمیشہ دوسرے کرکٹ بورڈز کا احترام کیا ہے۔

تفصیلات کے مطابق پاکستان کرکٹ بورڈ (پی سی بی) کے موجودہ چیئرمین رمیز راجہ نے تاریخی پالیسی اور پی سی بی بورڈ کے عہدیداروں کی کرکٹ آرگنائزنگ باڈیز کے لیے طرز عمل کے بارے میں کھل کر بات کی۔

نیوزی لینڈ اور انگلینڈ کے جلد بازی میں دورہ پاکستان سے دستبردار ہونے کے بعد رمیز حیران رہ گئے لیکن اس کا طویل مدتی اثر نہیں پڑا کیونکہ آسٹریلیا نے پاکستان کا دورہ کیا اور ملٹی فارمیٹ کی سیریز ایک شاندار کامیابی ثابت ہوئی۔

چیئرمین پی سی بی نے کہا کہ مذکورہ ٹیموں کے دورے کی منسوخی یک طرفہ فیصلہ تھا، جس کا مطلب یہ ہے کہ وہ پی سی بی اور دیگر اسٹیک ہولڈرز کے نقطہ نظر کو اہمیت نہیں دیتے۔

واضح رہے کہ نیوزی لینڈ نے منسوخ ہونے والے دورے کی تلافی کے لیے آئندہ سیزن میں دو بار پاکستان کا دورہ کرنے کا وعدہ کیا کیونکہ دونوں بورڈز نے دورہ ترک کرنے کے بعد اتفاق کیا تھا۔

نیوزی لینڈ کرکٹ کے چیف ایگزیکٹو ڈیوڈ وائٹ نے کہا کہ پاکستان “شاندار میزبان” رہا ہے،  لیکن کھلاڑیوں کی حفاظت سب سے اہم ہے اور ہمیں یقین ہے کہ یہ واحد ذمہ دار آپشن ہے۔