مری ٹورازم پولیس کی پہلے روز کی کارکردگی پر سیاحوں نے پنجاب پولیس کو خراجِ تحسین پیش کیا ہے۔

تفصیلات کے مطابق مری ٹورازم پولیس نے ایک گمشدہ بچی کو تلاش کر کے والدین سے ملوایا، مری ٹورازم پولیس نے ایک گمشدہ نوجوان کو بھی تلاش کیا، مری آئے سیاحوں کی 03 گاڑیوں کو خرابی کی صورت میں مدد فراہم کی گئی۔

مری آنے والی متعدد سیاح فیملیز کو درست راستے کے حوالے سے مناسب رہنمائی فراہم کی گئی، مری ٹورازم پولیس نے ایک شخص کو ریسکیو ادارے کے تعاون سے ابتدائ طبی امداد فراہم کی۔

مری ٹورازم پولیس کی سروسز پر سیاح فیملیز اور مقامی افراد کا پنجاب پولیس کو خراجِ تحسین پیش کیا، مری ٹورازم پولیس 24/7 سیاحوں کی خدمت اور سہولت کے لئے فرائض سرانجام دے رہی ہے۔

مری آنے والے سیاح کسی بھی ایمرجنسی یا پریشانی کی صورت میں مری ٹورازم پولیس یا ہماری ہیلپ لائن 15 اور 1757 پر رابطہ کریں۔