انگلینڈ کے نئے مقرر کردہ وائٹ بال کوچ میتھیو موٹ کا کہنا ہے کہ  انگلینڈ کرکٹ بورڈ(ای سی بی) کی جانب سے مقرر کردہ کوچنگ سیٹ اپ ایک دلچسپ ہے کیونکہ وہ ٹیسٹ کوچ برینڈن میک کولم اور مینز کرکٹ کے منیجنگ ڈائریکٹر روب کی کے ساتھ کام کرنے کے منتظر ہیں۔

تفصیلات کے مطابق انٹرویو میں ای سی بی کے پینل کو متاثر کرنے کے بعد موٹ کو پال کولنگ ووڈ پر ترجیح دی گئی۔

انہوں نے آسٹریلیا کی خواتین کی ٹیم کے ساتھ سات سال گزارے اور ٹیم خواتین کی کرکٹ میں ایک طاقت بن گئی، اس سال کے ون ڈے ورلڈ کپ میں ناقابل شکست رہنے سے پہلے 2018 اور 2020 میں بیک ٹو بیک ورلڈ ٹی ٹوئنٹی جیتے۔

انگلینڈ کے نئے مقرر کردہ ٹیسٹ کوچ برینڈن میک کولم کے ساتھ اپنے تعلقات کے بارے میں بات کرتے ہوئے موٹ نے کہا کہ ان کا نیوزی لینڈ کے سابق کپتان کے ساتھ بہترین تعلقات ہیں ۔

ان کا کہنا تھا کہ میرے برینڈن میک کولم  کے ساتھ بہت اچھے تعلقات ہیں، میں نے کولکتہ نائٹ رائیڈرز  میں اس کے ساتھ کام کیا تھا اور وہ کچھ سال پہلے مجھے نیوزی لینڈ لانے کے بہت قریب تھا۔